Սիրելի՛ հայրենակիցներ,
Երևանի Նուբարաշենի բանտում գտնվող Սասնա Ծռեր խմբի անդամ, ապստամբ, ռազմագերիներն ու նրանց ընտանքիները մեր աջակցության, ուշադրության և հոգածության կարիքն ունեն:
2022 թվականի մայիսի 28-ին ռեժիմը նրանց բանտարկեց՝ կատարելով Կրեմլի պատվերը, քանի որ պուտինյան ռեժիմը մինչ օրս չի կարողանում մարսել տղաների հերոսական քայլը:
Նրանց քայլը գնահատող մեր հայրենակիցները թե՛ այն ժամանակ, թե՛ հիմա եղել են ապստամբների կողքին:
Շարժման աջակիցների նվիրատվությունների շնորհիվ կարողացել ենք մինչ օրս հոգալ հանձնուքների ծախսերն ու նվազագույն օժանդակություն ցուցաբերել ապստամբների ընտանիքներին։
Ապստամբերին աջակցելու նպատակով արված հասցեական նվիրատվություններ եղել են, սակայն դրանք բավարար չեն եղել ամբողջական ծախսերը հոգալու համար, ուստի ստիպված ենք եղել շարժման ընդհանուր միջոցներից ևս հատկացումներ անել այդ նպատակին:
Սակայն, վերջին շրջանում տարբեր ճակատներում շարժման ակտիվ գործունեությամբ պայմանավորված՝ խնդիրներ են առաջացել: Այդ պատճառով էլ որոշել ենք այսուհետ այս հարցը լուծել նպատակային դրամահավաքի միջոցով:
Շնորհակալություն եմ հայտնում մինչ օրս կատարված նվիրատվությունների համար և ակնկալում, որ կարճ ժամանակում կհաջողվի համատեղ ջանքերով հավաքել անհրաժեշտ գումարը։
Հարգանքներով՝ Ժիրայր Սէֆիլյան