ՄԱՄՈՒԼԻ ՀԱՂՈՐԴԱԳՐՈՒԹՅՈՒՆ
Սեպտեմբերի 22-ին Ազգային–ժողովրդավարական Բևեռի առաջատար լոբբիստ Ժակլին Հելբիգ ֆոն Շլեպենբախը և դոկտոր Դավիթ Գրիգորյանը հանդիպել են Միացյալ Նահանգների Միջազգային կրոնական ազատության հանձնաժողովի ներկայացուցիչների հետ։
Քննարկումը վերաբերել է Հայաստանում կրոնական ազատությանը՝ վարչապետ Փաշինյանի կողմից Հայ Առաքելական Եկեղեցու և նրա առաջնորդների նկատմամբ 2025 թվականի մայիսից ի վեր իրականացված չարամիտ հարձակումների համատեքստում։
Քննարկման կիզակետում եղել են երկու արքեպիսկոպոսների, այլ հոգևորականների և Եկեղեցու կողմնակիցների կալանավորումները։
Քննարկման ժամանակ նաև ընդգծվել է Փաշինյանի ռեժիմի կողմից իրականացվող ոչ արդյունավետ կառավարումը պետական քաղաքականության տարբեր հատվածներում, ինչպես նաև՝ նրա ուժեղ ավտոկրատական հակումները, կոռուպցիան, մարդու իրավունքների խախտումները և քաղբանտարկյալների առկայությունը։
Կողմերը պայմանավորվել են բաց հաղորդակցության ուղիներ ապահովել՝ ի նպաստ պետական միջամտությունից զերծ կրոնական ազատության և ընդհանուր ժողովրդավարության առաջխաղացմանը Հայաստանում։
Ազգային–ժողովրդավարական բևեռի խորհուրդ
2025 թ․, սեպտեմբերի 23