Ազգային-ժողովրդավարական Բևեռը Ժողովրդավարության միջազգային միության 2025թ. Բրյուսելի վեհաժողովում
Ազգային-ժողովրդավարական Բևեռի պատվիրակությունը 2025թ. մայիսի 14–15-ը Բրյուսելում մասնակցել է Ժողովրդավարության միջազգային միության (ԺՄՄ) [International Democracy Union] հերթական վեհաժողովին։
Ժողովրդավարության միջազգային միությունը (ԺՄՄ) համաշխարհային առումով մեկտեղում է աջ-կենտրոնամետ և պահպանողական քաղաքական ուժերը, կուսակցություններն ու շարժումները։ Ազգային-ժողովրդավարական Բևեռը այս վեհաժողովին հրավիրված առաջին հայկական քաղաքական ուժն է, ինչը վկայում է Բևեռի հարաճուն ճանաչման մասին միջազգային քաղաքական դաշտում։
Վեհաժողովին մասնակցում էին ավելի քան 40 երկրներից ժամանած աջ-կենտրոնամետ և պահպանողական ուժերի առաջնորդներ, այդ թվում՝ մի շարք երկրների գործող և նախկին վարչապետներ, ընդդիմության առաջնորդներ, նախարարներ և պետական խորհրդարանականներ, որոնց շատերի հետ ԱԺԲ ներկայացուցիչները ունեցան առանձնազրույցներ։
Նրանց թվում էին`
- Բելգիայի Թագավորության վարչապետ Բարտ դը Վեվերը (Bart De Wever),
- Կանադայի նախկին վարչապետ, Ժողովրդավարության միջազգային միության նախագահ Սթիվըն Հարփրը (Stephen Harper),
- Միացյալ Թագավարության նախկին վարչապետ Բորիս Ջոնսոնը (Boris Johnson),
- Ավստրալիայի նախկին վարչապետ Սքոթ Մորիսոնը (Scott Morrison),
- Ժողովրդավարության միջազգային միության պատվո նախագահ, Միացյալ Թագավորության Պահպանողական կուսակցության նախկին փոխնախագահ, լորդ Մայքլ Աշքրոֆթը (Michael Ashcroft)
Եւ այլ անվանի ու ազդեցիկ գործիչներ։
Երկօրյա համաժողովի ընթացքում քննարկվել են արդի աշխարհաքաղաքականությանը, տնտեսա-տեխնոլոգիական զարգացումներին, ժողովրդագրությանը, ազգային ինքնությանն ու մշակութային փոխազդեցություններին վերաբերող հարցեր և մարտահրավերներ։
Մայիսի 16-ին ԱԺԲ պատվիրակությունն առաձին քննարկումներ է ունեցել Հունգարիայի Դանուբ հետազոտական հաստատության (Danube Institute) ղեկավարության հետ։
Մայիսի 17-ին Բևեռի ներկայացուցիչները Բելգիայի Գենտ համալսարանում (Ghent University) մասնակցել են Հայոց ցեղասպանությանը նվիրված «Վարուժանյան ընթերցումներ» տարեկան դասախոսությանը։
Ազգային-ժողովրդավարական Բևեռի խորհուրդ
18 մայիսի, 2025թ
