Հաշվի առնելով Հայաստանի Հանրապետության և հայ ժողովրդի առջև ծառացած արտաքին ու ներքին մարտահրավերները, նկատի ունենալով, որ դրանք համավարակի պատճառով ահագնանում ու կուտակվում են, ինչի հետևանքով կարող են գոյութենական ճգնաժամ առաջացնել ազգի ու պետականության համար,փաստելով, որ մենք դեռևս այդ ճգնաժամի նախնական փուլում ենք և դրա ծանր հետևանքները զգալու ենք առաջիկայում՝ հաջորդաբար ուժգնացող ալիքների ձևով…
Երեք տասնամյակ մեր ազգի ու պետականության դեմ գործած կիսագաղութային ու կեղեքիչ պետական համակարգի փոխարեն ստեղծել ինքնիշխան, ժողովրդավարական և կենսունակ ազգային պետություն, որը պետք է ինքնավերակերտվի և աշխարհին ներկայանա որպես «Նորարար ազգ-սթարթափ պետություն» ցանցային կազմակերպվածք։
Վերկուսակցական սկզբունքով լայն համազգային համաձայնության ու ներառականության գերակայությունների հաշվառմամբ համախմբել ազգային-ժողովրդավարական ներուժը և ձևավորել հակաճգնաժամային անցումային կառավարություն, որն անհրաժեշտ պահից կստանձնի պետության կառավարումը և անցումային ծրագրի իրականացմամբ կապահովի առկա համակարգային ճգնաժամի հաղթահարումը:
Աջակցեք մեզ՝ նվիրատվություն տալով ստորև նկարագրված եղանակներից որևէ մեկով
