Այսօր երեկոյան՝ հոկտեմբերի 13-ին, ոստիկանությունը, զգալի քանակությամբ ուժեր կենտրոնացնելով, խոչընդոտել է Ազգային-Ժողովրդավարական բևեռի աջակիցների կողմից Ազատության Հրապարակում իրականացվող շուրջօրյա իրազեկման հերթապահությունը և հրապարակը լքելու պահանջ ներկայացրել:
Նշենք, որ շուրջօրյա իրազեկում իրականացնելու վերաբերյալ օրենքի բոլոր պահանջները կատարվել են, ըստ այդմ ոստիկանության դրսևորած ոչ իրավաչափ վարքագիծը կրում է իշխանությունների կողմից քաղաքական ճնշում իրականացնելու բնույթ:
Անընդունելի ենք համարում ոստիկանության միջոցով քաղաքական հարցեր լուծելու իշխանության գործելաոճը և ևս մեկ անգամ կրկնում, որ ազգային-ազատագրական պայքարը նման միջոցներով ճնշելու փորձերը դատապարտված են ձախողման:
Ազգային-Ժողովրդավարական բևեռի խորհուրդ
13 Հոկտեմբերի 2021թ., Երևան
Ոստիկանությունը խոչընդոտում է Բևեռի մասնակիցների նստացույցը Ազատության հրապարակում