Հայ գերիներին Հայաստան վերադարձնելու հարցում աջակցության ակնկալիքով  Բևեռն այսօր նամակներ  հանձնեց Հայաստանի Հանրապետությունում Միավորված Ազգերի Կազմակերպության Ներկայացուցչության գրասենյակ, ՀՀ֊ում Ֆրանսիայի  և Ռուսաստանի դեսպանություններ։

Երեկ դեպի ԱԺ երթի ընթացքում  Բևեռը նույնաբովանդակ նամակ էր հանձնել նաև ԵՄ գրասենյակ, իսկ երկուշաբթի ապրիլի 16֊ի հանրահավաքի մասնակիցների նամակը կփոխանցվի ՀՀ֊ում ԱՄՆ դեսպանություն և Եվրոպայի խորհրդի ներկայացուցչության գրասենյակ։  

Բևեռն ակնկալում է օր առաջ գործուն միջոցների ձեռնարկում՝ Հայկական կողմի գերիների և այլ պահվող անձանց ստույգ քանակն ու տվյալները ճշտելու և նրանց Հայաստան վերադարձնելու ուղղությամբ:

17 ապրիլ 2021 թ.